प्रमुख अभिनेते प्रदीप गोगटे आणि सहनिर्मात्या नीलम लोहार यांनी स्वीकारले सन्मानचिन्ह
रायगडचे वादळ न्युज नेटवर्क | मुंबई:
मराठी चित्रपटसृष्टीसाठी अभिमानाची बाब ठरलेल्या ‘लाडू’ या कृष्णधवल मराठी चित्रपटाचा फिल्म फेडरेशन ऑफ इंडियाकडून सन्मानचिन्ह देऊन गौरव करण्यात आला. राष्ट्रीय पुरस्कार विजेते दिग्दर्शक शैलेंद्र सिंह यांच्या या चित्रपटाला ९९ व्या अकादमी पुरस्कारासाठी (ऑस्कर) भारताच्या अधिकृत प्रवेशासाठी सादर करण्यात आलेल्या ३३ चित्रपटांमध्ये स्थान मिळाले होते. या चित्रपटाच्या योगदानाची दखल घेत ११ ऑक्टोबर रोजी मुंबईतील अंधेरी येथील IMPPA कार्यालयात हा गौरव सोहळा पार पडला.
या वेळी चित्रपटातील प्रमुख अभिनेते प्रदीप गोगटे आणि सहनिर्मात्या नीलम लोहार यांनी सन्मानचिन्ह स्वीकारले. चित्रपटाच्या प्रवासातील हा महत्त्वाचा टप्पा असून, मराठी चित्रपटसृष्टीतील कलाकृतींना राष्ट्रीय आणि आंतरराष्ट्रीय स्तरावर मिळणाऱ्या मान्यतेच्या दृष्टीने या गौरवाला विशेष महत्त्व आहे.
‘लाडू’ हा अभिनेता प्रदीप गोगटे यांचा प्रमुख भूमिकेतील पहिला चित्रपट आहे. आपल्या पहिल्याच चित्रपटाला ऑस्करसाठी भारताच्या अधिकृत प्रवेशाकरिता सादर करण्यात आलेल्या चित्रपटांच्या यादीत स्थान मिळाल्याचा आनंद आणि अभिमान त्यांनी व्यक्त केला.
चित्रपटाला मिळालेल्या सन्मानाबद्दल भावना व्यक्त करताना प्रदीप गोगटे म्हणाले की, आपल्या पहिल्याच चित्रपटाचा ऑस्करच्या शर्यतीसाठी सादर झालेल्या चित्रपटांमध्ये समावेश होणे, ही आपल्यासाठी अत्यंत अभिमानाची गोष्ट आहे. आता या चित्रपटाला फिल्म फेडरेशन ऑफ इंडियाकडून कौतुकाची थाप आणि सन्मानचिन्ह मिळाल्याने हा आनंद आणखी द्विगुणित झाला आहे. चित्रपटासाठी घेतलेल्या मेहनतीचे चीज झाल्याची भावना त्यांनी व्यक्त केली.
या यशस्वी प्रवासात विश्वास दाखवून संधी दिल्याबद्दल प्रदीप गोगटे यांनी राष्ट्रीय पुरस्कार विजेते दिग्दर्शक शैलेंद्र सिंह यांचे मनापासून आभार मानले. एखाद्या कलाकाराच्या कारकिर्दीच्या सुरुवातीला मिळालेली योग्य संधी आणि दिग्दर्शकाने दाखवलेला विश्वास हा त्याच्या पुढील वाटचालीसाठी महत्त्वाचा ठरतो. ‘लाडू’च्या माध्यमातून मिळालेला अनुभव आणि या चित्रपटाला लाभलेली दखल आपल्यासाठी प्रेरणादायी असल्याची भावना त्यांनी व्यक्त केली.
तसेच चित्रपटाचे सहदिग्दर्शक, लेखक आणि गीतकार यज्ञेश दौंड यांनी संपूर्ण प्रवासात भक्कम साथ दिल्याचे सांगत प्रदीप गोगटे यांनी त्यांच्या प्रतीही कृतज्ञता व्यक्त केली.
कृष्णधवल स्वरूपातील ‘लाडू’ चित्रपटाने ऑस्करसाठी भारताच्या अधिकृत प्रवेशाकरिता सादर झालेल्या चित्रपटांमध्ये स्थान मिळवले आणि त्यानंतर फिल्म फेडरेशन ऑफ इंडियाकडून सन्मानचिन्ह प्राप्त केले. या दोन्ही गोष्टी चित्रपटाच्या टीमसाठी आनंददायी ठरल्या आहेत.
चित्रपटाच्या निर्मितीपासून ते त्याला मिळालेल्या मान्यतेपर्यंतच्या प्रवासात दिग्दर्शक, कलाकार, लेखक, सहदिग्दर्शक आणि निर्मितीशी संबंधित सर्वांचे योगदान महत्त्वाचे आहे. ‘लाडू’ला मिळालेल्या या गौरवामुळे चित्रपटाशी संबंधित कलाकार आणि तंत्रज्ञांचा उत्साह वाढला असून, मराठी चित्रपटसृष्टीतील नव्या कलाकृतींना प्रोत्साहन मिळण्याच्या दृष्टीनेही हा सन्मान उल्लेखनीय ठरतो.
“मेहनत रंग लायी!” या भावनेतून प्रदीप गोगटे यांनी आनंद व्यक्त केला असून, पहिल्याच चित्रपटाला मिळालेली ही दखल त्यांच्या कलाप्रवासातील एक संस्मरणीय टप्पा ठरली आहे.
